【每個男人都想要一個麥美恩】
麥美恩喺最近一次香港小姐競選中同森美鬥咀，兩個人語氣挑釁有味，擦出既火花即刻成為節目重點。其實Mayanne麥美恩喺《學是學非》做主持已經比其餘5個出位，性格超好，唔少人都睇好佢會紅架。
佢平時想幾時笑就幾時笑，做人完全唔拘謹，冇話就住形象乜乜77。即使被「寸」仍然可以好抵死咁回應對方，如果做女朋友係咁就最好，一啲壓力都冇，得閒就你寸下我肥，我寸下你樣衰。
特別喺娛樂圈呢個大染缸，Mayanne的出現就更加突出。好多女藝人都重視形象而就住就住，希望比人一種高貴既感覺......冇話佢地唔啱既，工作需要先會咁樣嘛，但係Mayanne完全冇顧忌，佢勇於做自己，成日自嘲飛機場、樣衰，唔會好似啲港女咁以為唔講就唔會有缺點。
所以佢率真既性格為她帶來唔少人氣，就算外貌唔係大路既靚樣，可愛酒窩同真性情既動作亦都好受男fans青。同時因為Mayanne唔會扮曬野，反而自踏身價，令到女粉絲都被佢吸引，感覺就係做到好閨蜜既女漢子啊！！！
#最貼地嘅港姐係佢先啱
#我係女都會中意麥美恩
Search